Kreu i Partisë Demokratike Lulzim Basha, ka zhvilluar sot një seri takimesh me mbështetësit me qytetarë të Korçë.
Pas takimit me të rinj dhe arsimtarë të, krydemokrati ka shkuar për të ngrënë drekë në banesën familjes Andoni, nja nga familjet më të vjetra korçare.
Familja Andoni kishte përgatitur ushqim tradicionale kandidatin e opozitës për kryeministër, ku nuk mungonte dhe lakrori. Ushqim i cili ishte një nga të preferuarit e Bashës, ky i fundit nuk refuzoi dhe kërkesën e familjes për të marrë pak lakror me vete pasi të largohej nga familja korçare.
Basha: Meqë nuk kemi ceremonira. Po shkoj direkt tek preferenca ime që është lakrori i famshëm.
Vajza: Ky është me domate me qepë.
Basha: Ky me domate me qepë është i preferuari im. Është një traditë të cilës mundohem të mos i iki edhe kur jam në kalim e sipër. U them të lutem po pate mundësi një lakror. Gjithmonë ma gjejnë diku.
Doktori: do të japim edhe një pjesë me vete?
Basha: Nuk do them jo, faleminderit.
Kreu i demokratëve foli dhe për personat e infektuar me COVID që po trajtohen në shtëpitë e tyre, Basha tha se Partia Demokratike ka hartuar një plan për rimbursimin e këtyre familjeve të cilat janë zhytur në borxhe për t’u kuruar.
“Ky është problem shumë i madh sepse shumica dërrmuese e familjeve janë zhytur në borxhe. Nuk kanë as kursim as të ardhura për t’i përballuar. Kjo është një nga gjërat e para po hartojmë tani, rimbursimi i këtyre familjeve sepse përllogarisim mesatarisht, përllogarisim që të kemi të bëjmë çdo muaj, çdo ditë këtë deklarojnë 1500, 2000, 3000 maksimumin i testimeve që kanë bërë ndërkohë që përllogaritet që numri real i infektimeve të jetë minimalisht 6 mijë apo 7 mijë. Dhe kjo do të thotë që kemi të bëjmë me një faturë që shkon në dhjetëra milionë euro të nxjerra ose nga kursimet e fundit ose familje të zhytura në borxh. Është një aspekt që as nuk merren as që duan t’ia dinë.” – u shpreh Basha./ Opinion.al
