Qeveria teknike si domosdoshmëri për zgjedhje të lira dhe të ndershme, vijon të mbetet fokus i takimeve të Kreut të opozitës Lulzim Basha me aleatët.
Basha u takua sot me Kryetarin e Partisë Agrare, Agron Duka, i cili deklaroi në fund të takimit se partia e tij mban të njejtin qëndrim me PD: Nëse nuk shkohet me qeveri teknike, do të jetë e vështirë që në zgjedhjet e ardhshme, vota të jetë e lirë.
Sipas tij, me një reagim popullor mund të shkohet në qeveri teknike, pasi shqiptarët janë zhytyr në mosbesim prej premtimeve të pambajtura të qeverisë aktuale.
Deklaratat e Dukës:
Pyetje: Z Duka, çfarë diskutuat me z Basha?
Duka: Dihet që folëm për problemet e ditës. Problemet që kemi në
politikë si problem i zgjedhjeve të lira të të ndershme, problem për
një qeveri teknike. Natyrisht që jemi në kohezion, në të njëjtin
mendim si PD ashtu edhe opozita.
Pyetje: Si mund të arrihet një qeveri teknike?
Duka: Nuk se po e shpjegoj unë këtë pasi e ka thënë vetë z Basha. E
kanë thënë edhe anëtarë të tjerë të opozitës. Duke qënë se ka
pakënaqësi në rritje popullore qoftë edhe për shkaqe ekonomike, quke
qënë se ka një mosbesim për zgjedhje të lira dhe të ndershme, mendohet
që nese nuk shkohet me qeveri teknike atëhere do të jetë e vështirë që
vota të jetë e lirë dhe që njerëzit të kenë besim që vota që ata
hedhin të shkojë aty ku duhet. Kështu që nese bëhet një qeveri
teknike, natyrisht me përfshirjen e të gjithë forcave politike qoftë
edhe me PS-në, mendohet dhe kështu është realiteti që ka më tepër
mundësi që të ketë zgjedhje të lira e të ndershme.
Pyetje: Kur thoni për PS-në, thoni për disa deputetë të saj apo për PS…
Duka: Jo, mendoj të arrihet një marrëveshje institucionale me të
gjitha partitë politike, përfshi këtu edhe Partinë Socialiste. Këtu
nuk bëhet fjalë për trafik deputetësh. Nëse jo, atëhere padyshim do të
vazhdojnë rrugët normale që mund të bëjë një opozitë siç janë ato
mitingjeve, pakënaqësisë popullore. Kjo shkon me të njëjtën kohë edhe
me situatën e rëndë ekonomike. Unë kam levizur shumë kohët e fundit në
fshatrat e Shqipërisë për ristrukturimin e Partisë Agrare
ambjentaliste dhe kam parë që gjendja e fshatit është shumë e dobët.
Shumicën e premtimeve që janë bërë në fushatë nuk janë mbajtur. Kështu
që duke pasur parasysh gjendje ekonomike dhe atë që synohet nga të
gjithë që të ketë liri, sepse edhe Reforma në drejtësi për atë u bë,
sepse nëse nuk ka votë të lirë nuk ka drejtësi. Mendoj që me një
reagim popullor mund të arrihet të shkohet në zgjedhje me qeveri
teknike.
Pyetje: I keni diskutuar sot edhe idenë protestave?
Duka: Natyrisht që po
