Kryetari i Partisë Demokratike Lulzim Basha, ka kërkuar nga Kopliku zbardhjen e vrasjeve të ndodhur në qytetin e Shkodrës.
Kryedemokrati tha se ekzekutimi i dy vëllezërve në Shkodër, Astrit dhe Brahim Bilali duhet të zbardhet sa më shpejtë, ose ndryshe kjo do të thotë që në këtë ngjarje është i përfshirë dhe vet shteti.
Sipas Bashës, bandat po luftojnë ndaj njëra-tjetrës, por mes tyre janë përfshirë dhe persona të pafajshëm, dhe se për këtë arsye policia duhet të reagoj.
Basha: Bandat po hanë kokat e njëri-tjetrit kjo është përgjigjja që jep policia, po policia për çfarë paguhet. Edhe vrasjet duhet të zbardhen sepse aty ka edhe njerëz të përfshirë në mënyrë të pafajshme. Kjo nuk mund të vazhdojë më kështu, ose përndryshe ka gisht shteti, nuk ka rrugë tjetër. Drejtësi nuk ka, mundësi nuk ka dhe kjo i ka sjellë njerëzit në dëshpërim./ Opinion.al E.Xh.
