Kreu i Partisë Demokratike, Lulzim Basha, të martën, deklaroi se kryeministri Edi Rama erdhi në pushtet me votat që vodhi me krimin dhe me votat që ju mori njerëzve të ndershëm, duke i mashtruar për zgjidhjen e problemeve të tyre jetike.
Përmes një shënimi të shkurtër në Facebook, Basha thekson se me t’u ulur në karriken e pushtetit i ktheu shpinën dhe i tradhtoi qytetarët.
Ai shkruan se Rama filloi të vjedhë si i pangopur Shqipërinë dhe shqiptarët për të mbushur xhepat e tij.
“Ata që ngrenë zërin kundër vjedhjeve të tij i shan, i dhunon dhe i burgos. Për karrike dhe pushtet ai nuk pyet për asgjë”,- u shpreh Basha.
Sipas tij, Rama ndalet vetëm duke e larguar nga pushteti, për t’ja kthyer Shqipërinë shqiptarëve.
