Basha: Rama liroi Konstandin Xhuvanin dhe la në burg Ballist Morinën

Kryetari i Partisë Demokratike Lulzim Basha, i pyetur për arrestimin e Ballist Morinës, është shprehur se ka kërkuar që ngritësi i Dronit të ndiqet në liri. “Kam kërkuar që të ndiqet në liri. Ia kam kërkuar atij që e futi në burg Edi Ramës. Ishte e padrejtë mungesa e tij në festë”. Më tej Basha tha se, Ballist Morina ka kërkuar mbrojtje por nuk i është dhënë. Por nuk ka qenë i sigurtë në këtë deklaratë të tijën. “Kështu më është thënë, po edhe nëse nuk e ka kërkuar, një shtetas për të cilin vendoset një shifër 1 milion dollare për ta vrarë, duhet të ishte në mbrojtje. Ky që nxorri nga burgu birin e ish deputetetes për të vrarë sërish, arreston Ballist Morinë dhe pastaj shtrihet te berberët”