Pak minuta para nisjes së mbledhjes së grupit të Partisë Demokratike, kreu I opozitës Lulzim Basha ka bërë të ditur për mediat se kjo mbledhje ka në fokus hartimin e një programi ekonomik për ta nxjerrë vendin nga kriza dhe depresioni.
“Platforma jonë është në kontrast të plotë me hapat thellësisht negativ, përkeqësimin e klimës së biznesit, rënien pikiatë të kreditimit, investimeve, konsumit, rënien e lekut. Në vend të reflektojë për politikat e ditës së qametit, kryeministri i ditës së qametit sjell në parlament ligjet për burgosjen dhe rritjen e taksave”, u shpreh Basha.
Kreu i opozitës shtoi se PD ofron një rrugë të re, të shkelur më parë, por në kushte të tjera.
