Aktualitet

Përse i përçau Alida Hisku artistët dhe historianët?


Bëhu pjesë e Grupit Zyrtar të Opinion.al
>> KËTU <<
               Publikuar në : 20:11 - 09/11/15 |
b.f

TIRANE- Alida Hisku këngëtarja e njohur e viteve ’70-’80 rihapi edhe një herë një plagë të madhe të shqiptarëve që jetuan kohën e komunizmit. Ajo solli dëshminë e saj rrënqethëse. “Jam përdhunuar në burg nga hetuesit”, tha ajo. Dhe jo vetëm ajo, por edhe dhjetëra vajza e gra të tjera. Por Alida më pas e tërhoqi dëshminë, mbase nga kërcënimet, thonë se disa “mbetje” të komunizmit janë ende sot në zyrat e shtetit… Kjo nuk dihet me saktësi.
Ajo që dihet është se Alida çoi edhe një herë peshë zemrat e mendjet e atyre që jetuan atë periudhë. Historianët dolën në krah të saj duke deklaruar se Alida ka thënë të vertetën. Përmendim këtu, Nevila Nikën historianen e njohur që foli për Opinion.al apo edhe historianen austriake Shannon Woodcock.

Kundër fakteve të Alidës u rreshtuan, artistët Maks Velo dhe Sherif Merdani. Sipas të cilëve, Alida gënjen pasi në komunizëm, sipas tyre nuk guxonte njeri të abuzonte me detyrën. Kjo ngre shumë pikpyetje dhe vazhdon të mbetet temë e diskutuar.
Ne sjellim më poshtë disa argumente që sollën protagonistët në media pro dhe kundër Alida Hiskut.

1.Këngëtari Sherif Merdani mohon në mënyrë absolute se një gjë e tillë mund të ndodhte në atë kohë, së paku, jo brenda dyerve të institucioneve.

2.Kompozitori Agim Krajka tha se nuk kishte dëgjuar kurrë për një rast të tillë.

3.Maks Velo tha se përdhunimi nuk ndodhte sepse Ministria e Brendshme e kishte pësuar që herët dhe nuk lejonte njeri të përsëritej më e njëjta gjë ose edhe nëse do të ndodhte, ai që do të zbulohej, ishte automatikisht i pushkatuar dhe kjo gjë dihej nga të gjithë.

4.Historiania Shannon Woodcock thotë se “shumë njerëz në Shqipëri më folën për dhunën seksuale të burrave kundër vajzave dhe grave. Shumë njerëz treguan histori të tmerrshme të abuzimit seksual dhe të gjitha gratë që folën me mua, kërkuan që emrat e tyre të mos përdoreshin kurrë, pasi ato kishin frikë.

5. Ish gazetari dhe prezantuesi i RTSH-së, Sadik Bejko thotë se e beson Alida Hiskun. “Sa gra e vajza janë dhunuar seksualisht veçmas, në grup, me thes në kokë, a duke i zhveshur lakuriq në orgjinë e fëlliqur të atyre që pushtetin e zyrave e ushtronin për të përmbushur epshet e veta”.

Sakaq doli në skenë edhe një tjetër histori. Ajo e Musine Kokalarit. Mbesa e saj ka reaguar pas një lajmi të përhapur në media se Musineja është përdhunuar në burg nga njerëzit e sigurimit. Në përgjigje të Novruz Shehut, mbesa e Kokalarit, thotë se “mund të them me bindje të plotë se babai im nuk i ka thënë një gjë të tillë Novruz Shehut. Nuk ma ka thënë as mua, që kam qenë me të natë e ditë deri në minutën e tij të fundit”.

Shehu, duke pretenduar se ka marrë dëshminë e të birit të Musinesë, thotë se edhe ajo është përdhunuar në burg.

Intervista e opinion.al me historianen Nevila Nika

KOMENTO (1)

Shkruaj nje koment

  1. Sherif Merdani ka qene nje kengetar fantastik po kurre nuk eshte shquar per mendt e tij.Ne Shkloder kam degjuar ti thone”Karasefdali”
    Maks Velo perveç faktit qe thone qe ka qene spiun eshte nje delirant i neveritshek.Duke lene me nje ane Hiskun te gjitha sa thote ajo po edhe te tjera kane qene te mundura ne ate diktature.Nje opinion eshte qe Hisku i terhoqi akuzat nga frika e ish sigurimsave qe edhe sot jetojne te patrazuar.Bile kam pare dhe nje liste me 40 pseudonimet e deputeteve te kuvendit tone.Pyeteni N.Bezhanin,te pistit qe do çertifikonte pastertine e te tjereve.Pyetja do ishte:Sa sigurimsa,miq ose jo te tu,i pastrove po me uje te piset?

Pas