Kryetari i opozitës Lulzim Basha tha se kryeministri Rama ka keqpërdorur përfaqësuesit e huaj ndërkombëtarë në Shqipëri për tu fshehur pas dështimeve të tij sipas tij.
Teksa nuk pranoi të komentojë deklaratat e Presidentit Meta për ambasadorët, Basha tha se keqpërdorimi i përfaqësuesve të huaj është “sporti i preferuar i Edi Ramës”
“Unë nuk bëj komente për komentet e Presidentit apo kujtdo tjetër në raport me çështje të tilla. Një gjë është e qartë. Keqpërdorimi masiv i përfaqësuesve të huaj është sporti i preferuar i Edi Ramës. Me këtë është fshehur për kanalizimin e Shqipërisë, me këtë është fshehur pas kapjes së drejtësisë, me këtë është fshehur për të gjitha dështimet e tij.”, tha Basha.
Lidhur me rolin e ndërkombëtarëve në dialogun mes palëve, Basha theksoi se është Rama ai që e pengon iniciativën e tyre ndërmjetësuese.
“Unë jam mirënjohës faktorit ndërkombëtar ka prej fillimit të qershorit që i bën thirrje Ramës ti jap fund krizës politike duke pranuar përmes ndërmjetësimit ndërkombëtar dhe dialogut hapat që i kemi e zeza mbi të bardhë në rezolutën e Bundestagut dhe të PPE. Nuk jemi ne ata që e pengojnë dialogun dhe se koha po mbaron. Kjo përballje do të bëhet e paevitueshme nëqoftëse PS të gjejë kurajën të verë interesin e socialistëve të thjeshtë mbi interesin e grupit të strukturuar kriminal po mban peng Shqipërinë.”, deklaroi ai
Gjatë bashkëbisedimit me gazetarët, Basha nënvizoi gjithashtu miratimin e Reformës në Drejtësi brenda këtij viti dhe zhvillimin e dy palë zgjedhjeve në një ditë vitin tjetër.
“Ne do të rakordojmë një qëndrim tonin për të hedhur poshtë propagandën e Edi Ramës se është opozita ajo që nuk e do Reformën Zgjedhore. Komisionin e shtyu për dy muaj sepse 2 muaj janë baraz me 200 milionë euro më shumë të vjedhura për Edi Ramën. Reforma Zgjedhore duhet të mbarojë brenda vitit dhe viti që vjen të jetë viti i zbatimit të reformës në zgjedhje të parakohshme parlamentare dhe zgjedhje kushtetuese vendore në një ditë.”, tha kreu i PD. /Opinion.al
