Kreu i PD-së, Lulzim Basha ka nisur takimet në rrethe. Nga Vau i Dejës, një pikë e nxehtë para 30 qershorit, Basha tha se qytetarët bënë qëndresë ndaj një sulmit të strukturuar kriminal të qeverisë.
Kryedemokrati ka marrë në mbrojtje kryebashkiakun e shkakruar Zef Hila, për të ciilin tha se ishte një nga kryetarët më të suksesshëm të pushtetit vendor që ka pasur Partia Demokratike në 30 vite.
“Zef Hila është investimi juaj dhe investim i Partisë Demokratike dhe jo i krimit të organizuar, as i një kupole hajnash të korruptuar, siç janë ata që sot sundojnë në Partinë Socialiste. Si kryetar i Partisë Demokratike, unë jam i vendosur të bëj gjithçka në pushtetin tim, për ta mbrojtur këtë investim të shkëlqyer”, tha Basha.
Duke theksuar se 30 Qershori është ngjarja më e paligjshme në 30 vjet pluralizëm, kreu i opozitës u ndal në 3 arsyet madhore pse 85 % shqiptarëve, sipas tij e braktisën regjimin kriminal dhe të korruptuar të Ramës në 30 Qershor.
“Vetëdija se 30 qershori nuk bëhej për interesat e njerëzve, por për pushtetin dhe pasurinë e bandës që sot sundon pa ligj e Kushtetutë. Gjendja katastrofike ku e ka katandisur Edi Rama ekonominë. Beteja dhe vendimet e opozitës.”
“Bregdeti, minierat, nafta, bujqësia, bimët medicinale, gjithçka është monopolizuar për t’ua dhënë në dorë 5 oligarkëve dhe 5 kriminelëve, me të cilët është ortak dhe për të cilët qeveris Edi Rama. Sepse, siç e treguan edhe përgjimet e Bild-it, me ata ai mori pushtetin, ndaj për ta dhe me ta po qeveris”, tha më tej Basha. / Opinion.al
