Kreu i opozitës Lulzim Basha ka përkujtuar me anë të një postimi në Facebook, përvjetorin e vdekjes së poetit Havzi Nela i cili u dënua me varje nga diktatura komuniste.
Basha e quan turp kombëtar faktin se shoqëria lejoji në heshtje varjen e një poeti, prandaj ai bën thirrje që dita e sotme të shërbejë për reflektim.
“Përsëritja do e zhyste shoqërinë tonë në fatalitet, do na rreshtonte përfundimisht në ato bashkësi të destinuara të mos mësojnë nga historia e tyre e rrjedhimisht të gllabërohen nga spiralja e ndëshkimit dhe e zhbërjes” shkruan Basha.
Sipas kreut demokrat zgjatimet e klikës që na drejtonte 30 vjet më parë janë ende mes nesh e të përhapura duke shfrytëzuar brishtësinë e tranzicionit dhe për këtë arsye shkruan ai beteja për fitoren e idealit të një shoqërie të lirë e të drejtë duhet të vijojë deri në fitore. /Opinion.al
