Kryesore

Çfarë qëndrimi do të mbajë PS për Dakon? Përgjigjet Braçe


               Publikuar në : 12:35 - 10/08/19 |
Al Do

Duke folur për rezultatet e operacionit kundër informalitetit, zëvendës kryeministri Erion Braçe është pyetur edhe për rastin e Vangjush Dakos të cilit i është ndaluar hyrja në SHBA nga Departamenti Amerikan i Shtetit.

Braçe nuk u shpeh drejtpërdrejtë nëse PS do të mbajë qëndrim politike ose nëse do të ketë ndonjë vendimmarrje përsa i përket Dakos, megjithatë ai theksoi se çdo akuzë duhet të gjykohet dhe gjykohet siç e parashikon ligjit.

Përballja me ligjin është akt individual cilësoi zv/kryeministri dhe shtoi se ashtu siç duhet hetuar Dako duhen hetuar edhe eksponentë të opozitës.

“Unë e kam thënë vazhdimisht, çdo akuzë e ngritur ndaj Dakos e gjithkujt tjetër, edhe anëtarë të kryesisë së PS, apo jo, apo kryetarë të partive politike si është njëri nga kryetarët e opozitës, apo nën të, duhet të hetohet dhe të gjykohet si e parashikon ligji. Askush nuk mund ti shmanget hetimit e gjykimit ne as kemi ndërmend të hyjmë në këtë proces, secili do të përballet individualisht në përputhje me ligjin në proces të drejtë e të barabartë. Por kur përdor imunitetin për ti ikur drejtësisë, si ka ndodhur, e kemi çështje të pazgjidhura në gjykatë e janë materializuar vjedhje me miliona euro nuk ka më, secili duhet të përballet atje”, tha Braçe.

Kujtojmë se ish-kryebashkiaku i Durrësit, Vangjush Dako, është ndaluar të hyjë në SHBA nga DASH pasi sipas tyre ai është i përfshirë në raste të rënda korrupsioni për të cilat autoritetet amerikanë deklarojnë se kanë të dhëna. /Opinion.al

Pas