Kryetari i PD, Lulzim Basha shprehet se PD është përgatitur për çdo skenar të protestës së 8 janarit të thirrur nga ish-kryeministri Sali Berisha.
Basha tha në një emision televiziv se element kriminal mund të bëjnë gjithçka gjatë protestës, por theksoi se çdo person që kryen akte kriminale në selinë e PD do të përballen me ligjin.
“Nuk përjashtoj që elementët kriminalë mund të bëjnë gjithçka në veçanti ata që i bashkon nongrata, por PD është e përgatitur për çdo situatë. Po them që jemi të përgatitur për çdo situatë, ne kemi përgjegjshmëri që demokratët të mos përdoren si mish për top dhe as ata që e kanë shoqëruar në oborrin e PD-së. Çdokush tjetër për çdo akt do të përballet me ligjin”,-tha Basha./Opinion.al
