Kreu i Partisë Demokratike, Lulzim Basha, të dielën, nga qyteti i Beratit ka paralajmëruar kryeministrin Edi Rama, duke i kujtuar se pastrimi i politikës nga krimi është shansi i fundit, në të kundërt, populli do të marrë në dorë fatin e tij.
Kreu i opozitës u shpreh në Berat se “beteja që kemi përpara për pastrimin e politikës nga krimi duhet luftuar dhe duhet fituar.”
“Ky është shansi i fundit që kjo betejë të fitohet e të fitohet në rrugë institucionale.”- u shpreh kreu i opozitës, i cili thelsoi se “refuzimi, siç ka bërë deri sot Rilindja, na detyron t’u drejtohemi ju.”.
“PD do të vijë në pushtet me votë, por, nëse alternativat e rikthimit të shtetit ligjor nuk hapen, atëhere qytetarit, popullit i lind dhe i mbetet e drejta për të marrë fatin në duart e tij.”-tha Basha në takimin me qytetarët e Beratit.
