Kryesore

Basha pas përfundimit të takimit me Escobar: Mbështet qëndrimin e PD për Kosovën


Bëhu pjesë e Grupit Zyrtar të Opinion.al
>> KËTU <<
               Publikuar në : 13:13 - 09/12/21 |
Opi Nion

Kreu i Partisë Demokratike, Lulzim Basha ka folur pas përfundimit të vizitës me të dërguarin amerikan, Gabriel Escobar, dhe tha se lufta kundër korrupsionit është interes i përbashkët i SHBA-ve dhe i Shqipërisë.

Basha gjithashtu tha se me zotin Esocar ka diskutuar lidhur me zhvillimet e fundit në vend por edhe në rajon. Ai gjithashtu tha se është diskutuar për çuarjen përpara të reformave në Shqipëri.

Me zotin Escobar, diskutuam për të gjitha çështjet e aktualitetit politik shqiptarë, natyrisht edhe për situatën në rajon, me theks të veçantë, sigurisht për ato çështje që kanë të bëjnë me të drejtat e shqiptarëve dhe në veçanti me Kosovën. Ku ia bëra të qartë zotit Escobar, qëndrimin e Partisë Demokratike për pacenueshmërinë e integritetit territorial të Kosovës. Në përputhje me përkushtimet e ndërmarra sipas paketës Ahtisari që çojnë në pavarësinë e Kosovës dhe në përputhje me angazhimet që të gjithë shtetet që e kanë njohur Kosovën kanë në raport me integritetin territorial të saj. Jam i kënaqur t’iu raportoj se në këtë qëndrim që paraqita kam marrë mbështetjen dhe mirëkuptimin e plotë të zotit Escobar.  Diskutuam padiskutim edhe për ecjen përpara të Shqipërisë në rrugën e reformave ku kyç mbetet një drejtësi e pavarur që nuk i mbron, por i ndëshkon politikanët e korruptuar.”-tha ndër të tjera Basha./Opinon.al

Pas