Kryesore

U fol për shpalljen non grata të Berishës,Basha:Qëndrimet e DASH do t’i dëgjoni..


Bëhu pjesë e Grupit Zyrtar të Opinion.al
>> KËTU <<
               Publikuar në : 13:18 - 09/12/21 |
Opi Nion

Në një prononcim për media pas takimit me zyrtarin e lartë amerikan, Gabriel Escobar,  kreu i Partisë Demokratike Lulzim Basha pranoi se është diskutuar edhe për çështje e shpalljes së Bersishës “non grata”.

I pyetur nga gazetarët lidhur me këtë çështje, ai tha se qëndrimet e DASH do t’i flasë drejtpërdrejtë vetë Escobar.

Pyetje: Patët një diskutim për shpalljen e zotit Berisha “non grata” në SHBA dhe në rast se zoti Escobar ka prova dhe do t’i paraqesi ato për institucionet e drejtësisë?

Lulzim Basha: Padiskutim që çështja e pandëshkueshmërisë sikundër politikat e sanksioneve “non grata”, ishin pjesë e diskutimit ndërsa sa i përket çështjeve  që i takojnë vendimeve të  Departamentit të Shtetit jam i bindur që do të keni mundësinë të dëgjoni drejtpërsëdrejti nga Escobar qëndrimet e Departamentit Amerikan të Shtetit?

Pyetje: Keni planifikuar ndonjë udhëtim në Washington duke qenë se e morët ftesën?

Lulzim Basha: Është një ftesë e përsëritur dhe e mirëpres me kënaqësi dhe padiksutim po planifikoj një vizitë në Washington në mënyrë që të shtyjmë përpara jo vetëm objektivat  politike të Partisë Demokratike, por atë që është sot agjenda e çdo familje shqiptare, dalja nga kjo gjendje pezullimi, dëshpërimi, plogështie që ka  shkaktuar 25 prilli dhe ecjen përpara të Shqipërisë me reformat politike, me zgjedhje të lira dhe të ndershme dhe me procesin e integrimit europian të Shqipërisë që  garancitë janë spirancat e mirëqenies ekonomike dhe punësimit. Dy  objektivave kryesore të shqiptarëve, dy objektivave kryesore të Partisë Demokratike./Opinion.al

Pas