Kryedemokrati Lulzim Basha nga protesta përpara Kuvendit tha se askush nuk ndal rrëzimin e Edi Ramës. Sipas Bashës, kjo protestë nuk bëhet për të marrë pushtetin, por për të rrëzuar sipas tij një regjim kriminal. “Beteja jonë do të vazhdojë: Liri a vdekje, demokraci a vdekje”, theksoi Basha.
“Mirë se keni ardhur në parlamentin e popullit të bashkuar për ndryshim. Përballë nesh dhe pas radhëve të policisë ndodhet banda më fatkeqe e hajdutëve që ka njohur ndonjë herë Europa, e kryesuar nga Maduro i Ballkanit, Edi Rama dhe eskorta e tij kriminale. Për 6 vite me radhe vodhi dhe grabiti shqiptarët. Rriti taksat, rriti energjinë çoi në burg dhe drejt vetëvrasjes që nuk paguanin dot faturat e krimit, rriti çmimin e ujit. Qindra mijëra i dërgoi drejt dëshpërimit të kurbetit, mbylli qindra shkolla. Ky është njeri i cili u bë simboli i krizës ekonomike që ka pllakosur. Arma e tij gjatë këtyre viteve ka qenë mashtrimit, propaganda e shpifur e ndryrë që ë bënte përdhunuesin hero, narkotrafikanin-kryebashkiak. Ti japim fund regjimit të Edi Ramës, për një sinjal shprese për çdo shqiptar. Në këtë protestë janë bashkuar hallet e pafundme të shqiptarët por dhe zgjidhjet e shpresat për të nesërmen që po vjen. Studentëve shqiptarë dua t’ju them sot se ai që na mashtroi, PD dhe opozita do t’i zgjidhë problemet tuaja. Një ditë e re e arsimit evropian, për ju studentë shqiptarë. Rama ik! Nuk ka gardh, nuk ka tela me gjemba që e mban peng ndryshimin popullor, ai ka nisur. Rama ik”, tha Basha.
“Ora e hakmarrjes popullore po afron” theksoi më tej Basha, duke i dhënë dhe një mesazh Policisë së Shtetit, që sipas tij po dhunon qytetarët.
Pjesë nga fjala e Bashës
Nuk ka asnjë shanc që populli i bashkuar të lodhet të përçahet e te kthehet në racën e deleve që ke mbyllur në atë kotec, i cili nuk përfaqëson më vullnetin e popullit. Ne jemi të bashkuar, ne jemi të vendosur dhe të frymëzuar me frymën e lirisë dhe demokracisë, me frymën e Zotit për të mbrojtur shtëpitë tona, liritë tona dhe të drejtat tona.
Ndaj dhe orës kur monopolin e dhunës e ka vetëm shteti, nëse nuk ka zgjidhje politike, monopoli i parë që do të shembet është monopoli i dhunës shtetërore, që sot dhunon qytetarët e pafajshëm dhe mbron kriminleët trafikantët e drogës, hajdutët. Bashkë me këtë monolpol do t’i vijë fundi të gjithë monopoleve të tjera në shëndetësi, në miniera, në naftë, në ndërtime dhe tendera publikë. Ndaj mjerë ata oligarkë, mjerë ata shërbëtorë të Edi Ramës, që i kanë bërë llogaritë gabim. Ora e hakmarrjes popullore po afron.
Kurrë më nuk do të pranojmë një demokraci fasadë, siç nuk pranojmë një parlament fasadë. Zgjidhja politike kërkon bashkimin e të gjithë shqiptarëve të ndershëm, socialistëve të ndershëm për këtë pakt të madh kombëtar, për këtë ndryshim të madh që po vjen, ndryshimin e pandalshëm të shqipërisë si gjithë Europa. I paralajamëroj prerë dhe qartë bashkëpunëtorët e rregjimit kriminal me kostum, me kollare, me atlete, me gojën e dhënë me qera se populli as nuk i harron as nuk ua fal shërbimet ndaj klikës mafioze në pushtet.
Ne jemi shpirti i Shqipërisë europiane. Vlerat për të cilat në luftojmë janë vlerat e Europës, vlerat e Amerikës, ndaj përballë kemi armiqtë e betuar të Shqipërisë europiane, ata që u ngritën kundër Shqipërisë në NATO, kemi atë që sulmoi presidentin e SHBA dhe vazhdon ta sulmojë me paratë e pista të drogës dhe korrupsionit. Ai që çoi faqen e zezë, ministrin e trafiqeve në Shtëpinë e Bardhë, ai e di mirë se orët e tij janë të numëruara, ora e Shqipërisë europiane nuk do të ndalet./Opinion.al
