Lideri demokrat duke folur sot nga ccadra e protestës në Bulevard mohoi atë që artikukohet në media se vendi do të shkojë në krizë për shkak se opozita do bojkotojë zgjedhjet. Sipas cregjistrimi i partive të koalicionit nga KQZ është një keqkuptim. “Sot në Komisionin Qendror të Zgjedhjeve, partitë opozitare do të dorëzojnë ultimatumin me shkrim për zgjedhje të lira dhe të ndershme. Kush i fryn borive të bojkotit, gabohet rëndë. Nuk do të ketë bojkot, do të ketë zgjedhje të lira dhe të ndershme, do të ketë Republikë të Re”, u shpreh ai.
Më tej deklaroi se reforma në drejtësi dhe reforma zgjedhore po sabotohen.
“Në kushtet e mungesës totale të reformës zgjedhore me qëllimin e vetëm për të shtypur dhe tjetërsuar votën e shqiptarëve, në kushtet e sabotimit me vetëdije të reformës në drejtësi sipas përcaktimeve kushtetuese të 22 korrikut, nga ata që kanë frikë nga drejtësia e vërtetë dhe e pakapur; ka një dhe vetëm një zgjidhje: Qeveri teknike, largimi i Edi Ramës dhe kabinetit të turpit, kabinetit të krimit, kabinetit të drogës”.
Ndërsa për atë që është folur shpesh për një terheqje të PD nga kauza e saj, Basha deklaroi se “asnjë tërheqje nuk ka e nuk mund të ketë sepse çdo tërheqje do të ishte tradhti para qytetarëve shqiptarë”.
Ai u bëri thirrje shqiptarëve të ngrihen dhe ta përmbysin republikën e krimit, drogës dhe zgjedhjeve të kapura. /Opinion.al
