Kreu i Partisë Demokratike Lulzim Basha ka vijuar sot me turin e takimeve në kuadër të “Rrugëtimit për Shqipërinë”.
Nga Ura Vajgurore ai i bëri apel fermerëve “se sa herë shitet vota” ata shesin veten e tyre.
“Ka një qeveri që blen votat por ka edhe ata që e shesin votat. Unë dua t’ju them se sa herë shitet vota, keni shitur veten tuaj, fëmijët tuaj. Unë kam ardhur t’ju them se keni alternativë një parti europiane që punon e mendon për ju”, tha Basha.
Ai shtoi se beteja me kryeministrin Rama do të jetë në kutitë e votimit dhe se nuk do të bëhet pjesë e ‘shfaqeve’ të tij.
“Nëse prisni të dal në duel me Ramën të zgjidh problemet, atëherë nuk kemi arritur asgjë. Unë nuk ju shkrij së qeshuri me batuta, as nuk bëj foto me Ronaldon. Unë punoj e përpiqem për ju. Ngrihuni shkoni dhe thuajani atij në kutinë e votimit”, shtoi ai. /Opinion.al
