Siç paralajmëroi disa ditë më parë, kreu i opozitës Lulzim Basha ka nisur sot rrugëtimin e Shqipërisë, i cili përfshin takime me të rinjtë në të gjitha qytetet e Shqipërisë ku i pari është Elbasani.
Basha e hapi takimin duke thënë se nisja e këtij turi është një ogur i mirë pasi përkon me datën e nisjes së demonstratave të të rinjve gjermano-lindorë për rrëzimin e Murit të Berlinit.
“E nisim këtë takim me një mbrëmje shumë të vecantë, mbrëmje që përkujton një ditë të madhe për demokracinë që është 4 nëntori ku rinia gjermane rrëzoi murin e Berlinit si dhe 4 nëntorin e ditës së parë të lirisë së besimit në Zot në Shqipëri, që përkon me meshën e parë të mbajtur në Shkodër. Që përbën një nga ditët më të çmuara të 30 viteve të fundit të demokracisë shqiptare. Një nga dështimet më të mëdha të Edi Ramës dhe qeverisë së tij është dështimi me rininë. Me rrogat më të ulta , me kostot më të larta të jetës, më pamundësinë për arsimim, me gjendjen jashtëzakonisht të vogël të financave dhe akoma më të dobëta të financave të rinisë” tha Basha.
Takimi ishte konceptuar në formë pyetje përgjigjesh ku kreu i demokratëve do të dëgjonte problematikat dhe pyetjet që të rinjtë kishin për ofertën politike të PD. Si prioritet absolut Basha cilësoi ndalimin e ikjes së të rinjve nga Shqipëria duke investuar më shumë në sistemin e arsimit dhe duke kthyer konkurrencën në bazën e sistemit të punësimit.
“Humbja potenciale për ekonominë shqiptare nga emigracioni për 2018-ën është 590 mln euro. Ky është problemi më i madh, hemorragji për vendin. Shumica larohen për kushte të mira jetese. Që përbehen nga mundësia për punësim, për strehim, për të pasur një banesë, siguria e punës, siguria ushqimore. Arsyeja e parë është modeli i gabuar, që nuk vlerëson studentin e mirë , investitorin, apo atë që punëson. Ju e dini fare mirë se kë vlerëson kjo qeveri. Këtu në Elbasan, kur e bardha ka qenë e bardhë dhe e zeza e zezë, policia ka mbajtur krahun e banditit. E para që duhet të marrë fund është modeli. Ndaj ne do ndryshojmë modelin, ndarjen e pushtetit nga krimi. Para dy javësh BE dhe Gjermania tha; ‘që të ecni dhe të vini tek ne duhet t’i jepni fund politikës të lidhur me krimin. Duhet të ofroni mundësinë dhe të gjithë shqiptarë të barabartë para ligjit’. 4 oligarkët e qeverisë nuk kanë ide më të mira, por sot ata kontrollojnë ekonominë sepse ata marrin tenderat, PPP dhe pasuritë e shqiptarëve. Çdo student me të ardhura të ulëta do të përfitojë 100 bursë. Kush ka të ardhura mbi 640 mijë lek në muaj, bursë 50 %” tha Basha. /Opinion.al
