Kreu i Partisë Demokratike, Lulzim Basha është shprehur për “REL” se zgjedhjet lokale nuk do të ketë më 30 qershor.
Sipas tij, votime të tilla bëhen edhe në Korenë e Veriut me një kandidat apo se zgjedhje false bëhen edhe në Turkmenistan.
Kreu i selisë blu theksoi se nuk ka zgjidhje të krizës pa u ndëshkuar politikanët e lidhur me krimin dhe kriminelët.
“Radiografia që i bëri Bild blerjes së votës në Shqipëri, nuk është thjesht një shtet i kapur në krim, por një shtet i shtrirë në krim. Asgjë nuk do ta zgjidhë këtë krizë pa u ndëshkuar hajdutët e votave qofshin kriminelë të rrugë apo politikanë të bërë njësh me krimin. Ky është një kusht i panegociueshëm, jo thjesht për opozitën. Nëse nuk arrijmë këtë, nga kjo krizë do të shkojmë në një krizë akoma më të thellë. 30 qershori nuk është një datë zgjedhjesh, votime ka edhe në Korenë e Veriut. Për liri dhe demokraci flet edhe Maduro i Venezuelës, procese farse mban edhe Berdimuhamedov i Turkmenistanit, po këto nuk janë standarde perëndimore. Nuk mund të ketë zgjedhje pa opozitën, nuk mund të ketë zgjedhje pa kandidat”,tha Basha./ Opinion.al E.Xh.
