Partia Demokratike ka reaguar lidhur me vendimin e Këshillit të Ministrave për shtimin e personaliteteve që mbrohen nga Garda e Republikës, pjesë e së cilës është dhe kryedemokrati Lulzim Basha.
Nëpërmjet një deklarate për mediat, selia blu deklaron se kryetari i PD ka qenë në mbrojtje që në vitin 2007 dhe se vendimi i sotëm është vetëm për të tërhequr vëmendjen nga situata e vështirë, që sipas PD, ndodhet Shqipëria.
Reagim i Partisë Demokratike
Nëpër disa media Edi Rama ka propaganduar sot se Garda e Republikës do të mbroka Kryetarin e opozitës. Gjithçka për të hequr vëmendjen nga situata dhe për të bërë diversion. Të paktën që prej 2007, Garda e Republikës ruan Kryetarin e opozitës, sipas ligjit dhe vendimeve të Këshillit të Ministrave. Për pasojë, edhe kryetari i PD, gjatë gjithë kohës, pa asnjë ndërprerje, ka qenë nën ruajtjen e Gardës së Republikës, siç legjislacioni në fuqi ka parashikuar./ Opinion.al
