Kreu i Partisë Demokratike Lulzim Basha tha se qeveria nuk e ka shrytëzuar gjendjen e jashtëzakonshme për të ofruar mekanizma mbështetës për qytetarët.
”Gjendja e jashtëzakonshme nuk bëhet as për llustër as për të fshehur dështimet. Të përdorë me procedura ata që janë goditur nga fatkeqësia. Kjo është ideja e emergjencave dhe ligjeve të fatkeqësive natyrore. Dy javë më parë refuzuan. Pasi e shpallën kanë bërë atë që nuk duhej bërë. Të marrin masa jo vetëm masa shtrenguese por edhe mbështetëse”, deklaroi kreu demokrat në një intervistë televizive.
Ai shtoi se karantina nuk po jep efekt pasi kurba e infektimeve nuk është stabël dhe kjo sipas tij ka ardhur si pasojë e lënies hapur të fasonerive.
“Keni parë pamjet e grave në fasonerinë e Korçës. Ndjenja e tyre rrënqeth. Kështu situata në Krujë, Kurbin, Berat, Shkodër, Durrës. Sot zyrtarisht ka 29 të infektuar, sa ç’kishte në 4 prill. Kurba e infeksioneve duket se është aq e çoroditur sa sjellja e qeverisë. Duket se karantina nuk po jep fryte. Sepse lihen bomba me sahat si fasoneritë dhe hapin infeksione. Qeveria nuk zgjidhi qesen për të paguar vajzat, nënat. I mbajti t’ja japë oligarkëve. Ku janë paratë e qytetarëve? Tani që kanë nevojë për shtetin shteti zhduket. Dhe më pas zgjat gjendjen e jashtëzakonshme? çfarë bëri këto 4-5 javë? Drejtim nga Facebooku, tjetër gjë thotë tjetër gjë bën. E paaftë, qeveria ka dështuar, një shtet i rrënuar nga korrupsioni. Nëse do vendoste interesat e shqiptarëve, por lë 100 milionë euro për oligarkët dhe lë gratë dhe vajzat të klithin, s’kam asgjë thonë”, tha Basha.
Ndër të tjera kreu i opozitës tha gjithashtu se tani ata do të ngrenë zërin dhe nuk do të këshillojnë ose të lusin më qeverinë.
“As do ta lusim, as od ta këshillojmë, por tani është dita të ngremë zërin. Gjysëm-parlamenti është shtojcë e këtij dështimi. ” tha Basha. /Opinion.al
