Kreu demokrat Lulzim Basha i është përgjigjur përmes një publikimi në Tuiter reagimit të Kryeministrit Rama vetëm pak minuta më parë.
Ndërsa Rama komentonte konferencën për shtyp të Bashës lidhur me inceneratorët, kreu i PD-së vazhdon të akuzojë Kryeministrin lidhur me tenderat dhe abuzimet e inceneratorëve.
Duke iu drejtuar kryeministrit me cilësimin “hajdut i mafias së plehrave”, Basha shprehet se pas çdo vuajtje të shqiptarëve qëndron një vjedhje e Ramës
“Dhimbjet e shqiptarëve që ke zhytur në skamje e nuk kanë mundësi as për ilaçe, shëndetësia në kolaps, ekonomia në krizë, zbrazja e vendit nga rinia për ty është dasëm o hajduti i mafias së plehrave. Pas çdo dhimbje dhe vuajtje të shqiptarëve qëndron një vjedhje e jotja”, shkruan Basha.
LEXO EDHE-Rama – Bashës: Dhëndërr i inatosur që klith pse po pastrohet Shqipëria
Kujtojmë së gjatë ditëve të fundit, tonet mes Ramës dhe Bashës janë ashpërsuar./Opinion.al
