Aktualitet

Basha flet pë rastin e Alvinit, falenderon autoritetet italiane


               Publikuar në : 18:40 - 07/11/19 |
Al Do

Në takimin me të rinjtë në Vlorë në kuadër të “Rrugëtimit për Shqipërinë”, kreu demokrat Basha u ndal edhe te historia e Alvin Berishës i cili u shpëtua sot nga kampi i refugjatëve në Siri.

Basha falënderoi autoritetet që bën të mundur nxjerrjen e tij Alvinit nga kampi dhe nënvizoi se duhet punë në mënyrë që të shpëtohen edhe shqiptarët e tjerë që kanë ngecur në këto kampe.

“Dua të shpreh kënaqësinë time personale edhe si prind për lajmin e mirë që morëm për Alvinin. Është një dramë që na ka mbajtur mbërthyer. Është drama e një djaloshi, të shkëputur nga gjiri i familjes. Dua të falenderoj nga zemra të gjithë ata që bënë të mundur, që ai të jetë i sigurt, veçanërisht autoritetet italiane, Kryqin e Kuq italian. Kjo tragjedi nuk ka mbaruar. Kemi dhjetëra fëmijë të tjerë në këto kampe. Misioni vazhdon. U bëj thirrje të gjithëve, veçanërisht partnerëve që na kanë ndihmuar deri tani, veçanërisht partnerëve italianë dhe partnerëve të tjerë, të bëjnë gjithçka për këta fëmijë, duke i nxjerrë nga ato kampe të tmerrshme. Por le ta mbyllim me diçka të mirë dhe t’i themi Alvinit, rrugë të mbarë e mirëse të kthesh në gjirin e familjes”, tha Basha. /Opinion.al

Pas