Lulzim Basha ka reaguar menjëherë pas dëshmisë së dhënë nga deputeti socialist i Durrësit, Jyrgen Çyrbja, në seancën e mbajtur ndaj Emiliano Shullazit në lidhje me hotel “Vollgën”.
Kreu demokrat është shprehur se Çyrbja mbrojti Shullazin dhe kjo nxori në pah fytyrën e vërtetë të shtetit të Edi Ramës.
Shënimi i plotë:
Deputeti socialist i Durrësit, Jurgen Çyrbja dëshmoi sot në gjykatë në favor të bandës së Emiljano Shullazit edhe pse prokuroria e kishte thirrur për të dëshmuar kundër saj. Dëshmia e tij nxorri në shesh fytyrën e vërtetë të shtetit të Edi Ramës si shtet privat në dorën e të fortëve dhe kriminelëve.
Prania e Çyrbes në Kuvend tregon se lufta për largimin e krimit nga politika nuk ka mbaruar. Me ligjin e dekriminalizimit ne ndaluam futjen e vetë kriminelëve në Kuvend, por tani na duhet të largojmë nga politika edhe shërbëtorët e krimit.
