Kryesore

Basha firmos peticionin e dekomunistizimit: Askush s’mund të jetë më Zot



Bëhu pjesë e Grupit Zyrtar të Opinion.al
>> KËTU <<
               Publikuar në : 12:05 - 20/02/22 |
Opi Nion

Kreu i Partisë Demokratike, Lulzim Basha ishte sot në sheshin “Skënderbej”, ku bashkë me deputetët e PD dhe të rinjtë demokratë ka kujtuar rrëzimin e shtatores së diktatorit Enver Hoxha, më 20 shkurt 1991.

Kreu i PD rikujtoi atë ditë dhe ndau një pjesë të asaj çfarë kishte ndodhur me më të rinjtë. Ai gjithashtu iu afrua disa tendave të vogla dhe firmosi peticionin e “Dekomunistizimit”.

Çdo shoqëri që mendon se dikush nga ne, sado i talentuar, i aftë apo i djallëzuar të jetë, është Zot apo gjysmëzot, përfundon shumë keq. Mesazhi i dytë është një ndjesë në emër të Partisë Demokratike drejtuar së pari të përndjekurve politikë, për premtimet e papërmbushura. Dhimbja është terapia më e mirë që të mos përsërisim të keqen. Le të jemi dhe sot një familje e përbashkët siç ishim 31 vite më parë, jo vetëm e demokratëve, sepse ky shesh nuk ishte i mbushur vetëm me demokratë, kishte dhe ish-anëtarë të Partisë së Punës, të cilët u bashkuan me demokratët për të shembur kultn e diktatorit. Të zotohemi që përmes veprimeve tona të mos e lejojmë më kurrë kultin e individit, as në mesin tonë, as mes shqiptarëve. Zoti na ka bërë të barabartë, detyra jonë është t’i japim mundësi të ecë përpara. Askush mes nesh nuk mund të jetë më Zot. Të shtyjmë përpara procesin e dekomunistizimit, me ndihmën edhe të partnerëve ndërkombëtarë”,-tha Basha./Opinion.al

Pas