Kryetari i Partisë Demokratike Lulzim Basha tha sonte në emisionin “Studio e Hapur” e Eni Vasilit se do të kthejë çdo para të vjedhur në tenderin e check up-it të dhënë nga Ministria e Shëndetësisë dhe Qeverisë Rama. Sipas Bashës deri më tani askush nuk ka shkuar të bëjë check up-in dhe kjo është një skemë e pastër për të vjedhur para. Por Basha nuk ka thënë nëse pjesë e kërcënimit të tij, në rast se vjen në pushtet do të jetë edhe ministri aktual i shëndetësisë, Ministri Beqaj.
“Ditën e parë të qeverisë sime këto koncesionarë do të njoftohen për ndërprerjen e kontratës dhe do të inspektohen ku kanë shkuar paratë. Do të ketë jo vetëm ndjekje penale por edhe do të gjurmojmë paratë. Ku do i gjejmë? Paratë lejnë gjurmë, siç janë vilat”, tha Basha
