Kryesore

Bardhi thirrje për rikthime në PD, nuk përjashton Jozefina Topallin


Bëhu pjesë e Grupit Zyrtar të Opinion.al
>> KËTU <<
               Publikuar në : 14:46 - 04/07/20 |
Opi Nion

Sekretari i përgjithshëm i Partisë Demokratike, Gazment Bardhi ka bërë thirrje që të rikthehen të gjithë  demokratët  që kanë dhënë kontribut për këtë forcë politike.

Bardhi u shpreh nga Shkodra se në këtë rikthim është e mirëpritur dhe ish-kryetarja e Kuvendit Jozefina Topalli, e cila u la jashtë nga listat në zgjedhjet e 2017 për shkak të qëndrimeve të saj të ashpra ndaj lidershipit të demokratëve.

Po ashtu, Bardhi tha se Kuvendi duhet të lërë lojërat politike dhe të miratojë reformën zgjedhore si një prej 15 kushteve të vendosura nga BE.

 “Apeli im dhe thirrja ime, si demokrat në rrathë të parë dhe më pas si Sekretari i përgjithshëm i Partisë Demokratike është që kushdo që ka marrë mbështetje nga demokratët është momenti t’u kthejë mbështetjen demokratëve. Për Shqipërinë mbi të gjitha dhe për PD. Në kemi pasur debate brenda vetes tonë, kjo tregon për një funksionim demokratik të PD. Pa diskutim, Zonja Topalli është anëtare e Këshillit Kombëtar të PD është anëtare sipas statutit të PD për shkak të funksioneve të rëndësishme që ka marrë gjatë kohës të qeverisjes së PD. Ka qenë kryetare e Kuvendit dhe sigurisht ka dhënë një kontribut në PD dhe ka marrë mbështetje të jashtëzakonshme nga demokratët dhe nga PD. Nuk besoj se ka nevojë për proces për ndërmjetës, cilido që ka ndien veten demokrat apo që ndër vite ka marrë mbështetjen e demokratëve ka momentin për ti kthyer mbështetjen demokratëve”,-tha Brardhi./ Opinion.al

Pas