Ka ngjallur debate deklarata e ambasadores së SHBA, Yuri Kim për kandiatët e koalicionit “Shtëpia e Lirisë” të cilëve iu kujtoi se mbështeten nga ish-kryeministri Sali Berisha që është shpallur “non grata” nga DASH për korrupsion domethënës.
Pas përgjigjes së Komisionit të Rithemelimit, i cili deklaroi se deklarata e Kim është përfshire në procesin zgjedhor, ka reaguar edhe Sekretari i Përgjithshëm i PD, Gazment Bardhi.
Bardhi thotë se Berisha mbështet nga ish-kryebashkiaku i Durrësit, Vangjush Dako dhe se “sulmi i sotëm ndaj SHBA është solidarizim me non gratat e Edi Ramës. Hall i përbashkët, sjellje e përbashkët!”
DEKLARATË E SEKRETARIT TË PËRGJITHSHËM TË PD, GAZMENT BARDHI
2 nga 3 palët në këto zgjedhje, PS dhe “Shtëpia e Ilirit” kanë mbrapa njerëz të shpallur non grata nga SHBA për korrupsion.
Vangjush Dako është shefi politik dhe drejtuesi i fushatës së kandidates së PS në Durrës. Tom Doshi, është shefi politik dhe drejtues i fushatës së kandidates së PS në Shkodër. Sali Berisha është shefi politik i 6 kandidatëve të tjerë të Shtëpisë së Ilir Metës.
Sulmi i sotëm ndaj SHBA është solidarizim me non gratat e Edi Ramës. Hall i përbashkët, sjellje e përbashkët!/ Opinion.al
