Sekretari i Përgjithshëm i Partisë Demokratike, Gazment Bardhi ka reaguar ndaj shqetësimit që kryeministri Rama shprehu për mbledhjen e njerëzve në Durrës nga Lulzim Basha.
LEXO EDHE – Basha me qytetarët në Durrës, Rama e Manastirliu dënojnë veprimin
Në një reagim në Facebook, Bardhi shkruan se kryeministrit duhet të tmerrohet nga shndërrimi i QSUT në vatër infeksioni në një kohë kur spitali duhet të ishte vendi më i sigurt.
Sipas tij ajo që e tmerron kryeministrin Rama nuk është mos respektimi i distancimit të qytetarëve por “bashkimi i shqiptarëve, që i la pa asnjë ndihmë, pa asnjë mbrojtje, dhe i vodhi e varfëroi edhe gjatë izolimit”
“Edi Rama nuk tmerrohet nga shndërrimi i QSUT-së në vatër infeksioni për dhjetëra pacientë, mjekë dhe infermierë. Është fakt se sot vatra e vetme e infeksionit masiv është spitali, që duhet të ishte vendi më i sigurtë e ku masat të ishin me rigoroze. Edi Rama nuk tmerrohet nga varfëria e shqiptarëve dhe nga papunësia masive e tyre. Edi Rama e përdori coronavirusin për të shtypur, vjedhur dhe gënjyer qytetarët. Është fakt se Edi Rama është i vetmi Kryeministër në botë që vjedh me tendera sekret e koncesione për oligarkët, dhe urdhëron prishjen e Teatrit në mes të pandemisë. Ndaj Edi Rama ka të drejtë të tmerrohet nga bashkimi i shqiptarëve, që i la pa asnjë ndihmë, pa asnjë mbrojtje, dhe i vodhi e varfëroi edhe gjatë izolimit. Propaganda bajate nuk e mbulon dot revoltën e qytetarëve në çdo cep të vendit. Pushteti kriminal, që lë shqiptarët pa asnjë qindarkë ndihmë në ditën e tyre më të keqe, është drejt fundit.”- shkruan Gazment Bardhi. /Opinion.al
