Politikë

Bardhi i përgjigjet Ramës: Je besëprerë, socialistë nuk janë dele


Bëhu pjesë e Grupit Zyrtar të Opinion.al
>> KËTU <<
               Publikuar në : 17:02 - 13/11/20 |
Opi Nion

Sekretari i përgjithshëm i Partisë Demokratike, Gazmend Bardhi, ka reaguar ditën e sotme pas deklaratës së kryeministrit Edi Rama, i cili nga Mbrostari i Fierit komentoi zgjedhjet e kandidatëve për deputetë nga Partia Demokratike.

Bardhi përmes një postimi në Facebook akuzon Ramën se  iu ka ofruar socialistëve për deputetë  trafikantë droge, vrasës dhe hajdutë.

Një orë fjalim përsëriti të njëjtat gënjeshtra, duke u shfaqur edhe njëherë si një Kryeministër i lodhur, i vjetëruar, pa ide dhe pa bilanc. Mjafton të dëgjosh Edi Ramën për të kuptuar se në 8 vite pushtet si Kryeministër dhe 23 vjet në politikë nuk i ofroi asgjë shqiptarëve, asnjë ide, asnjë premtim i mbajtur, asnjë zhvillim.

Socialistëve u ofron PËR DEPUTETË trafikantë droge, trafikantë vajzash, vrasës, hajdutë; PËR MINISTRA u nxjerr disa të korruptuar, klientë të vetët, shoqet e gruas, burrat e ish-grave të veta e plot anonimë të tjerë personalë që nuk dinë ku bie dera e PS; PËR DREJTORË u çon një çetë hajdutësh e injorantësh”, shkruan Bardhi.

Gjithashtu, Bardhi shkruan se Rama që kur ardhur në pushtet nuk i ka përfshirë socialistët në vendimmarrje, prandaj më 25 Prill do të refuzojnë të votojnë PS.

“Që kur ka ardhur në pushtet, ka zbatuar këtë model fyes për socialistët, duke mos i përfshirë kurrë ato në vendimmarrjen e partisë së tyre. Kjo është arsyeja pse socialistët, si qindra e mijëra shqiptarë të tjerë të të gjitha bindjeve politike, nuk do ta votojnë Edi Ramën” shkruan Bardhi.

 Socialistët nuk janë dele që një mashtrues dhe besëprerë si Edi Rama t’i marrë ata zvarrë, duke i sakrifikuar që ai me bandën e vet të hajdutëve të mbushin xhepat. Socialistët e ndershëm e duan Shqipërinë dhe zhvillimin e vendit, prandaj më 25 Prill do ta refuzojnë masivisht modelin e Komitetit të Hajdutëve të Rilindur” shkruan Bardhi.

Më herët, Rama u shpreh se procesi i zgjedhjeve për kandidat për deputet në Partinë Demokratike rrëzoi besueshmërinë e PD./Opinion.al

 

Pas