Gazment Bardhi i ka drejtuar disa pyetje kreut të Prokurorisë së Posaçme pas raportimit në Kuvend.
Ai e ka pyetur lidhur me çështjen e Xibrakës, për të cilën Dumani tha se çështja është në hetim.
I pyetur nga Bardhi nëse ka shkëmbyer mesazhe me kryeministrin Edi Rama që të mbyllë dosjen, kreu i SPAK tha se marrëdhëniet e tij me kreun e qeverisë janë vetëm institucionale dhe procedurale.
Bardhi: Rezulton sipas informacioneve që ka Grupi Parlamentar i PD se kryeministri Edi Rama përmes një shtetasi emrin nuk po e përmend, por unë dhe ju e dini mjaft mirë për kë bëhet fjalë, një funksionar publik në një nga institucionet e pavarura i ka përcjellë drejtuesit të SPAK, juve zoti Dumani, një mesazh privat që çështja Xibraka e rihapur nga Prokuroria e Posaçme të mbyllet sa më shpejt të jetë e mundur. Unë dua të di, sigurishjt që unë e di, por dua që ta dëgjoj nga juve përgjigjen që i keni përcjellë mbrapsht kryeministrit për këtë çështje, së dyti pas ndërhyrjes së kryeministrit përmes personit a jepni garanci që kjo çështje do të hetohet e pandikuar siç ligji e kërkon në mënyrë profesionale?
Dumani: Nuk mund të jap koment. Çështja është në hetim. Lidhur me marrëdhënien me kryeministrin apo çdo titullar institucioni qoftë edhe me Kuvendin, marrëdhëniet e mia janë vetëm institucionale dhe procedurale. Nuk marra dhe nuk përcjella asnjë lloj mesazhi ushtroj detyrën time në përputhej me dispozitat ligjore.
