Bota

Baradar dhe drejtues talebanë arrijnë në Kabul për bisedimet e qeverisë


Bëhu pjesë e Grupit Zyrtar të Opinion.al
>> KËTU <<
               Publikuar në : 14:39 - 21/08/21 |
Opi Nion

Mulla Abdul Ghani Baradar dhe udhëheqës të tjerë talebanë mbërritën në Kabul nga Kandahari mbrëmjen e djeshme. Sipas disa burimeve, udhëheqësit talebanë nga pjesë të ndryshme të vendit po mblidhen në kryeqytet për të mbajtur konsultime mbi qeverinë e ardhshme të Afganistanit.

Delegacioni i Byrosë Politike të Katarit i udhëhequr nga Mullah Baradar mbërriti në Kandahar më 18 gusht.

Udhëheqësi taleban do të takohë disa udhëheqës politikë, përfshirë Abdullah Abdullahun, si pjesë e negociatave. Talebanët janë nën presion nga komuniteti botëror për të shpallur një konfigurim të përkohshëm të qeverisë dhe për t’i dhënë fund pasigurisë politike.

Baradar po fillon bisedimet për të formuar një qeveri të re “përfshirëse”, sipas një burimi të lëvizjes të cituar nga agjencia AFP. Burimi tha se Baradar do të takohet me “udhëheqësit dhe politikanët e Xhihadit”.

Por, përtej fjalëve, faktet mbeten alarmante. Administratorët e rinj talebanë në provincën perëndimore afgane të Heratit kanë ndaluar klasat e përziera të vajzave dhe djemve në universitetet qeveritare dhe private në këtë territor. Kjo u raportua nga agjencia afgane Khaama Press. Në një takim tre orësh midis mësuesve të universitetit, pronarëve të institucioneve private dhe përfaqësuesve të talebanëve, këta të fundit njoftuan se tani e tutje studentët e të dy gjinive nuk do të jenë në gjendje të ndjekin mësimet së bashku. Disa profesorë kanë paralajmëruar se për shkak se universitetet private nuk mund të përballojnë koston e organizimit të kurseve të veçanta, mijëra vajza rrezikojnë të mos jenë në gjendje të ndjekin mësimet. Në provincën e Heratit ka 40,000 studentë universitarë dhe 2,000 profesorë./Opinion.al

 

Pas