Është rënduar gjendja shëndetësore e njërës prej naftëtareve që janë prej disa ditësh në grevën e urisë në rafinerinë e Ballshit. Mësohet se Silva Fejzaj është dërguar me urgjencë në spitalin e qytetit, ku po merr ndihmën mjekësore.
Greva e naftëtarëve ka hyrë në ditën e 28-të, ndërkohë që prej 10 ditësh aty janë vendosur gratë.
Pavarësisht thirrjes së Kryeministrit Rama një ditë më parë për të lënë grevën me qëllim nisjen e negociatave me qeverinë, naftëtarët janë shprehur të vendosur për të qëndruar aty deri në përmbushjen e kërkesës së tyre për pagesat e prapambetura. /Opinion.al
