Ish kryeministri Sali Berisha do të dëshmojë në komisionin hetimor për CEZ vetëm pasi të largohet si kryetar i komisionit Taulant Balla. Qëndrimi i demokratëve u bë i ditur në mbledhjen e të premtes nga Arben Ristani. Sipas tij, Balla ka konflikt interesi me familjen Berisha, pasi është dënuar me 10 milionë lekë për shpifje. Kërkesa i është dërguar kreut të Kuvendit, Ilir Meta.
“Gjykata e ka dhënë vendimin, ju jeni dënuar si shpifës me vendim gjyqësor. Në këto kushte, kur ka shkaqet të dukshme njëanshmërie, njeërz që merren me hetime mund ti vazhdojnë ata, dhe në këtë rast ka një shkak të dukshëm njëanshmërie, për shkak të inateve personale që keni me familjarë dhe të afërm të zotit Berisha. Këtu nuk jemi për inatet personale, ato nuk i nxjerrim këtu. Duke qënë se jemi detyruar të zbatojmë ligjin, ju them se keni konflikt interesi. Zoti Berisha do të vijë në këtë seancë menjëherë sapo të largohet koflikti ligjor i interesit. Ne ia kemi dorëzuar kryetarit të Kuvendit, dhe po e depozitoj para jush që të mos gënjeni seancën tjetër kur të vijmë këtu. Ta shmangim këtë pengesë dhe të vazhdojmë shqyrtimin e çështjes”, u shpreh z. Ristani.
Ndërsa kreu i komisionit, Taulant Balla e ka quajtur një lojë të ulët për të shmangur dëshmitarin Sali Berisha. “Kërkesën tuaj drejtojani Kuvendit. Po ju them që kjo është një lojë e ulët që do të shmangi dëshmitarin Sali Berisha të vijë në këtë komision për të dhënë dëshmi. Ky komision hetimor, thërret dëshmitarë, për fat të keq nuk thërret të pandehur, se nuk është gjykatë. Të gjitha çfarë thoni ju i referohet rasteve të marrëdhënies ndërmjet gjykatës dhe të pandehurve. Është hera e parë që ngrihet një alibi nga ana e një dëshmitari”, u shpreh Balla.
Pjesë nga debati
Arben Ristani: Ju jeni i dënuar si shifës me vendim gjyqësor dhe kjo është e mbyllur. Inatet personale me familjen Berisha nuk mund ti keni me këtë komision. Inatet janë jashtë këtij komisioni. Zoti Berisha do të vijë në këtë seancë menjëherë sapo të largohet konflikti i interesit
Taulant Balla: Kjo është një lojë për të vonuar punën e këtij komisioni. Këtu nuk është ngritur komision hetimor për Shkëlzen Berishën, Argita Malltezin dhe Jamarbër Malltezin.Sali Berisha është thirrur si kryeministër dhe faktet që e lidhin atë me objektin e punës së këtij komisioni. E kuptoj që është lojë për të vonuar punën e këtij komisioni. Tha se do të paraqitej në orën 10:00 në këtë komision. Kjo është lojë e ulët që pas dy javësh dhe hidhen të njëjtat argumente pa bazë juridike. Doni ta hedh në votë kërkesën tuaj? Unë nuk tërhiqem nga hetimi i kësaj cështje që i kushtoi 419 milionë euro.
Taulant Balla: Ka dhe një ish gjyqtar që e kanë futur në burg
Arben Ristani: Nuk kam qenë asnjëherë
Taulant Balla: Doni ta hedhni në votim kërkesën tuaj
Arben Ristani: Vendos kryetari i Kuvendit
Taulant Balla: Ke vendim të Gjykatës së Lartë për dënimin tënd.
Arben Ristani: Gënjen si mashtrues që je
Taulant Balla: Kërkesë e ulët për të shmangur Berishën të vijë në komision
