Politikë

Balla i përgjigjet Shehit duke i kujtuar gotën e rakisë


               Publikuar në : 15:47 - 15/05/19 |
geliano fataj

Opozita e bashkuar mbajti sot një takim në selinë e Partisë Demokratike për të diskutuar mbi strategjinë që do të ndiqet në lidhje me situatën politike që është krijuar në vend.

Në fund të këtij takimi, ishte Dashamir Shehi ai që foli për mediat duke theksuar edhe njëherë se opozita nuk tërhiqet nga zotimi i saj se zgjedhje në 30 qershor nuk do të ketë dhe se protestat do të vazhdojnë.

Për të folur rreth kësaj ngjarjeje sot në rubrikën “Opinion” në News24 ishte i ftuar kreu i grupit parlamentar të PS, Taulant Balla.

Ai i komentoi ashpër deklaratat e kreut të LZHK duke thënë se: “Refuzoj të përgjigjem për njerëz që marrin mandatin për një gotë raki dhe e lëshojnë për një gotë raki.”

Përsa i përket zgjedhjeve sipas Ballës kjo çështje as nuk mund të diskutohet më nëse do të ketë apo jo.

“Komuniteti ndërkombëtar është i bashkuar, kanë kaluar tashmë në emra konkret. Basha e Kryemadhi nuk kam besim se janë persona që i vënë gishtin kokës, por dy tutorët të bëjnë thirrje të heqin dorë. Zgjedhjet e 30 qershorit do të zhvillohen. Në 1 qershor nis fushata. Nuk e luan as topi zhvillimin e zgjedhjeve më 30 qershor”, theksoi Balla./ Opinion.al

Pas