Kreu i grupit parlamentar të Partisë Socialiste Taulant Balla ka mbërritur në prokurorinë e Krimeve të Rënda për të depozituar padinë ndaj kreut të PD-së Lulzim Basha, deputetit Ervin Salianji si dhe ndaj Florenc Hoxhës, ish-kreu i IMT në Bashkinë e Tiranës.
Mësohet se Balla ka dorëzuar prova të reja për padinë e depozituar një ditë më parë.
Balla akuzon Bashën, Salianjin dhe Hoxhën për “shpifje” dhe “kallëzim të rremë” pas publikimit të videos së Fredi Alizotit.
Pas daljes nga Prokuroria e Krimeve të Rënda Bala tha se do i shkojë deri në fund çështjes dhe do i padisë të tërë përveç Berishës.
“Do i shkoj deri në fund të vërtetës, s’do ndalem. Do t’i padis të gjithë, Berishën jo, i kam lënë Zotin. Me Alizotin nuk kam pasur asnjëherë komunikim”, -ka deklaruar Balla.
