Aktualitet

Balla: Berisha ka një televizion që e shoqëron edhe në tualet. Pse nuk hetohet?


Bëhu pjesë e Grupit Zyrtar të Opinion.al
>> KËTU <<
               Publikuar në : 12:35 - 23/05/22 |
Opi Nion

Kreu i grupit parlamentar të PS, Taulant Balla ka mbajtur fjalën e tij në Kuvendin e Shqipërisë.

Teksa kujtoi 30-vjetorin e vrasjes së simbolit të antimafias italiane Xhovani Falkone, Balla theksoi se Shqipëria ka sot më shumë se kurrë nevojë për njerëz si Falkone.

Më tej Balla i kërkoi SPAK-ut dhe institucioneve ligjzbatuese që të hetojnë Berishën, si pronarin de facto të një televizioni, biznesin e boronicave që sipas tij është skemë e pastrimit të parave si dhe kompleksin Partizani.

“Përgjigjja më e mirë ndaj Berishës është ta injoroni se është në pikën e fundit të injorimit por sot është 23 maji, 30 vite nga momenti tragjik i vrasjes së Xhovani Falkones. Shqipëria sot pas 30 viteve nga vrasja e Falkones ka më shumë nevojë se kurrë si falcone. Sepse nëse do të kishim, as Sali Berisha e askush tjetër nuk do t’i dërdëllsite Shqipërisë sot pas 31 vitesh në politikë për çështje korrupsioni. I fundit në 31 vite pluralizëm në Shqipërisë që të ngrejë gishtin e të sulmojë kolegët si nga krahu i vet e nga kundërshtarët është Sali Berisha. Nuk ka shqiptar në nivelin e Berishës që të jetë shpallur non grata për korrupsion për pasurimin e njerëzve të tij të afërt. Kur Berisha të ngrejë akuzën për korrupsion ndaj kujtdo në politikë ta injorojmë të gjithë se duhet të sqarojë korrupsionin e vet dhe arsyen pse SHBA ka arritur në këtë konkluzion.
Është dështim i të gjitha institucionet shtetërore që si ka mundësi që Sali Berisha është pronari de facto i një televizioni që e shoqëron Saliun edhe në tualet. Këtë transmetim live i TV i djalit të vet. Kjo duhet të na shqetësojë të gjithë. Pse nuk e heton pastrimi i parave, AMA-s po ia them, por e ka shumë të kontrolluar fushën e veprimit të vet. Nuk e ka këtë të drejtë se ku i gjen paratë ky TV.
Për të mos thënë pastaj biznesin e boronicave që është skema e më e qartë e pastrimit të parave. Ku je SPAK? Pse nuk e çon deri në fund atë dosje? Skema më e paimagjinueshme e pastrimit të parave është kompleksi Partizani, shkoni dhe kontrolloni faturat me të cilat financohet televizioni që po flas, kjo është ashiqare, e di gjithë Shqipëria. Për lejen e ndërtimit në një pronë që nuk të takonte ta ka dhënë Luli”-tha Balla.

Pas