Në një deklaratë për mediat, kreu i Grupit Parlamentar të PS, Taulant Balla i është përgjigjur Enkelejd Alibeajt i cili tha se mazhoranca nuk e ka legjitimitetin që ta zgjedhë e vetme Presidentin.
Balla theksoi se PS jo vetëm që ka numrat por do të vijojë të punojë me grupet e tjera parlamentare që të sigurojë më shumë vota.
“PS jo vetëm që ka legjitimitetin, grupi parlamentar socialist jo vetëm që ka numrat por ne do vijojmë të punojmë që të arrijmë të sigurojmë më shumë se sa votat që ne kemi të dhëna nga shqiptarët.
Në kuptimin që 74 ka grupi parlamentar i PS pastaj me radhë dhe grupet e tjera parlamentare.
Po jap përgjigje përfundimtare, kësaj historisë që vijon të tjerrë zoti Alibeaj se PS nuk e ka legjitimitetin e ka shumë gabim, dhe i kemi numrat e momenti i votimit të presidentit do doja të zgjidhej me më shumë se 84 vota pra të mos shkojë dëm gjithë kjo përpjekje për konsensus”-tha Balla.
