Avokatët: Beketi po punon për klubin, nuk ekstradohet në Shqipëri

Pronari i “Leyton Orient”, Françesko Beketi, përballet me një seancë dëgjimore në gjykatën e Londrës në 7 dhjetor pas kërkesës së autoriteteve shqiptare pë ekstradimine tij në mënyrë që të gjykohet. Kështu shkruan e përditshmja britanike ‘The Guardian’, për pronarin e klubit të futbollit britanik Leyton Orient. Biznesmeni italian akuzohet në Shqipëri për evazion fiskal dhe pastrim parash me një vlerë prej dhjetëra miliona eurosh.. Në një deklaratë të avokatëve të Beketit thuhet se në 7 dhjetor do të bëhet një seancë dëgjimore për të dhënë udhëzimet se cfarë do të ndodhë dhe nëse do të merret parasysh kërkesa e autoriteteve shqiptare. Por nuk do të ketë një vendim gjykate të prerë, të paktën deri vitin e ardhshëm. Avokatët dhe vetë biznesmeni italian janë të bindur se nuk do të ketë asnjë ekstradim. Kjo pasi biznesmeni italian vazhdon të mohojë akuzat duke akuzuar nga ana e tij autoritetet shqiptare se nuk asnëj provë kundër tij. Ndërkohë të gjitha pasuritë dhe llogaritë bankare të tij në Shqipëri janë bllokuar, duke mos e lejuar as të paguajë stafin e televizionit të tij Agon Channel. Deklarata e avokatëve të Beketit përfundon me fjalët se kërkesa e autoritetve shqiptare për ekstradim nuk do të ketë asnjë impakt në detyrën dhe përgjegjësitë e tij si pronar i Leyton Orient. Përkundrazi Beketi vazhdon punën e tij të madhe në rinovimin e klubit i cili është një nga më të vjetrit në Londër. Leyton Orient luan në Ligën e dytë aktualisht. /tvklan/