Bota

Avionë luftarakë dhe anije detare, NATO shton trupat në kufirin Rusi-Ukrainë


Bëhu pjesë e Grupit Zyrtar të Opinion.al
>> KËTU <<
               Publikuar në : 15:52 - 24/01/22 |
Opi Nion

NATO po forcon kufijtë e saj lindorë me forca tokësore, detare dhe ajrore, ka thënë Jens Stoltenberg, sekretari i përgjithshëm i aleancës ushtarake, pasi një pushtim rus i Ukrainës dukej gjithnjë e më i mundshëm.

Stoltenberg u shpreh se situata sa i përket sigurisë është tepër delikate çka ka detyruar aleancën të vendosë në gatishmëri anije, avionë dhe trupa ushtarake.

Administrata amerikane ishte gjithashtu e gatshme të rriste praninë e saj ushtarake në Evropën Lindore, paralajmëroi shefi i NATO-s, në një deklaratë, raporton The Guardian.

“Unë mirëpres aleatët që të kontribuojnë me forca shtesë në NATO”, tha Stoltenberg. “NATO do të vazhdojë të marrë të gjitha masat e nevojshme për të mbrojtur të gjithë aleatët, duke përfshirë edhe forcimin e pjesës lindore të aleancës. Ne gjithmonë do t’i përgjigjemi çdo përkeqësimi të mjedisit tonë të sigurisë, duke përfshirë forcimin e mbrojtjes sonë kolektive.”

Kjo deklaratë u dënua si “histeri” perëndimore nga Kremlini. “Ne shohim deklarata të Aleancës së Atlantikut të Veriut për përforcim në krahun lindor. E gjithë kjo çon në faktin se tensionet po rriten”, tha zëdhënësi i Kremlinit, Dmitry Peskov. “Kjo nuk po ndodh për shkak të asaj që ne, Rusia, po bëjmë. E gjithë kjo po ndodh për shkak të asaj që NATO dhe SHBA po bëjnë dhe për shkak të informacionit që po përhapin”, u shpreh ai.

Zëvendësministri i Jashtëm i Rusisë, Alexander Grushko, dënoi dislokimet.  “Gjuha e NATO-s është gjuha e kërcënimeve dhe presionit ushtarak”, tha ai në komentet e publikuara nga mediat ruse. “Kjo nuk është asgjë e re.”

Zhvillimet e fundit erdhën pasi Shtëpia e Bardhë dhe Britania e Madhe thanë se kishin filluar të tërhiqnin familjet e diplomatëve nga Ukraina dhe ministrat e jashtëm të BE-së u mblodhën për të diskutuar për krizën që po përshkallëzohet me sekretarin amerikan të shtetit, Antony Blinken.

Më shumë se 100,000 trupa ruse dhe armë të rënda janë mobilizuar në kufirin me Ukrainën./Opinion.al

Pas