Kancelari austriak, Sebastian Kurz, tha të mërkurën në një konferencë për mediat se kushdo që hyn në vend nga Bullgaria, Rumania dhe Moldavia duhet të tregojë testin negativ për koronavirus ose të izolohet për 14 ditë.
Qeveria austriake tha se do të rrisë kontrollet edhe në vendkalimet kufitare me Hungarinë dhe Slloveninë.
Paralajmërimi vjen pasi 99 shtetas rumunë dolën pozitivë në testet për koronavirus në qytetin austriak të Lincit dhe pjesa më e madhe e tyre ishin punëtorë migrantë.
Më 1 korrik, Austria ka lëshuar një paralajmërim të ngjashëm udhëtimi edhe për vendet e Ballkanit Perëndimor: Kosovën, Shqipërinë, Malin e Zi, Serbinë, Maqedoninë e Veriut dhe Bosnje e Hercegovinën./Opinion.al
KOMENTO (0)
