Sot janë publikuar fakte kompromentuese për ministrin e Brendshëm Fatmir Xhafaj. Vëllai i tij është përgjuar në një bisede me një trafikant droge pak muaj më parë. Agron Xhafaj në këtë bisedë e orienton trafikantin se ku ta gjejë hashashin, por i kërkon të mos e shqetësojë më, pasi punët po shkojnë keq. “Këta plehrat po na sulmojnë shumë. Po më sulmojnë vëllanë”, dëgjohet të thotë Agron Xhafaj në lokalin e tij në Vlorë. Pë kështu ndjehet i frikësuar për hetimet në Itali, ku thotë për bashkëpunëtorët “ata andej janë zbërthyer”.
Audio-përgjimi u publikua sot nga Partia Demokratike.
Në të kaluarën, bashkëpunëtori X dhe Agron Xhafaj kanë punuar së bashku në trafikun e drogës, por kur bashkëpunëtori X u dënua me burg në Itali, Agron Xhafaj nuk u interesua kurrë për të. Takimi mes tyre zhvillohet pasi bashkëpunëtori X ka dalë nga burgu, ka ardhur në Shqipëri dhe i kërkon ndihmë Agron Xhafajt t’i gjejë ngakesë me kanabis dhe ta punësojë si skafist për të bërë një rrugë Italie, sepse ka mbetur pa para.
Bashkëpunëtori X la takim me Agron Xhafajn në Vlorë nëpërmjet numrit të telefonit 0672014472, i konfirmuar se i përket vëllait të Ministrit të Brendshëm.
Biseda është përgjim ambiental dhe dëgjohet vetëm bashkëpunëtori X që po flet në telefon me Agronin.
Me bashkëpunëtorin X janë në makinë edhe dy persona të tjerë, pjesëmarrës në operacion.
Nis biseda telefonike në makinë mes bashkëpunëtorit dhe Agron Xhafajt.
Bashkëpunëtori X: O pasha ca bën mo, si dukesh?
Agroni: –
Bashkëpunëtori X– Mirë vëlla. Ti vetë?
Agroni: –
Bashkëpunëtori X- Isha andej nga Toro qorri. Do të merrja në telefon të ftoja për drekë, por më thanë që ishe larg. Dëgjon vëlla?
Agron Xhafaj e pret bashkëpunëtorin X në një lokal që në Vlorë, njihet si lokali i vëllait të ministrit të Brendshëm.
Bashkëpunëtori X: Ca bëre? Si ke qenë nga shtëpia?
Agroni: Mirë o mirë, ti mirë?
Bashkëpunëtori X: Mirë.
Agroni: Mirë keni qenë? Ca bëre ndonjë gjë?
Bashkëpunëtori X: Mirë.
Agroni: Si ia kalove? Ca bëre ndonjë gjë të re?
Bashkëpunëtori X: Mirë vëlla mirë. dëgjo ore, se për atë muhabetin që të mora në telefon, po puna është që…
Agroni: Një herë më ke marrë mua në telefon ti. Ndonjë gjë të re ca ke bërë?
Bashkëpunëtori X: Hic, ja erdha për atë që të thashë, për të bërë rrugën.
Agroni: Dëgjo tani, ti e kupton si janë gjërat. Këta plehrat po na sulmojnë shumë ore.
Agroni: (Përmend një fjali me 5-6 fjalë, por nuk kuptohet mirë)
Agroni: Do të të çoj unë te Ermali ore, është shoku im i ngushtë.
Bashkëpunëtori X: Të faleminderit (2-3 fjalë që s’kuptohen). Se erdha ngaqë jam keq vëlla. Se nuk erdha nga e mira.
Agroni: Dëgjo, hera e parë dhe e fundit dhe mos na bjer më në qafë. Se po na sulmojnë shumë ore. Shiko dhe vëllanë (Fatmir Xhafaj). Shumë fare po na sulmojnë. Të jetë hera e parë dhe e fundit.
Bashkëpunëtori X: E mirë vlla mirë.
Agroni: Mirë pra, ndonjë gjë tjetër car ke bërë?
Bashkëpunëtori X: Hic asgjë.
Agroni: Na kanë nxjerrë emrin. Mos më bjer më në qafë, aman të keqen. Ata të tjerët në Itali, e shikon (thotë 2-3 fjalë që nuk kuptohen, sepse flasin njëkohësisht me bashkëpunëtorin X).
Bashkëpunëtori X: Mirë vlla mirë, (thotë 2-3 fjalë që nuk kuptohen)/ Ne duke pirë kafe jemi, s’e vrasim mendjen.
Agroni: Ndonjë gjë tjetër nga shpia?
Bashkëpunëtori X: Mirë të gjithë. Ti vetë?
Agroni: Mirë, mirë.
Bashkëpunëtori X: Mirë o vlla rrofsh, faleminderit.
Agroni: Po na sulmojnë ata, keq fare.
Bashkëpunëtori X: Mirë, mirë.
Agroni: Kalofsh mirë.
Bashkëpunëtori X: Faleminderit njëherë për të gjitha. S’të nxjerr asnëj problem. Rrofsh edhe për kafen.
Agroni: Aman o të keqen vlla, hera e parë dhe e fundit, mos më bjer më në qafë.
Bashkëpunëtori X: Po ik o se stë bije më në qafë, po kisha një problem se kam një hall dhe unë. Ta bëra si vëlla.
Agroni: Po gjërat nuk e shikon si janë?
Bashkëpunëtori X: Se e njohim njeri-tjetrin.
Agroni: Ata në Itali janë zbërthyer komplet ore.
Bashkëpunëtori X: Mirë o vlla mirë, hajde rrofsh. Do e takoj unë Ermalin. Pa merak.
Agroni: Te Ermali vëlla.
Bashkëpunëtori X ndoqi rrugën e treguar nga Agron Xhafaj, bleu kanabis tek trafikantët nën urdhërat e vëllait të Ministrit të Brendshëm, i qetë dhe pa ndjekjen e policisë.
