Kanë dalë para gjykatës për t’u njohur me masën e sigurisë të arrestuarit për atentatin ndaj ish-prokurorit Arjan Ndoj.
Mësohet se Gjykata e Posaçme ka lënë në burg Bashkim Haxhija, Marsel Deçka, Endrit Sinani, Genti Ndërjaku i njohur edhe me emrin Kili Ndërjaku dhe Juljan Pjetri të arrestuar ditën e djeshme në kuadër të operacionit të koduar “Komploti”.
Policia njoftoi se u zhvilluan kontrolle ne 11 banesa në tre qytete Tiranë, Durrës dhe Fushë Krujë ku u arrestuan pesë persona ndërsa u shpallën në kërkim 4 të tjerë.
SPAK bëri me dije se hetimi arriti të zbardhë ngjarjen duke identifikuar porositësit, ekzekutorët dhe bashkëpunëtorët./Opinion.al
