Gjykata e Lartë ka pezulluar sot gjyqin në ngarkim të deputetit Tom Doshi, ish-deputetit Mark Frroku dhe Durim Bamit. Gjykata tha se kjo çështje nuk është më kompetencë e saj pasi vetëm një nga të akuzuarit është deputet.
Mesa duket procesi gjyqësor në ngarkim të Tom Doshit, Mark Frrokut dhe Durim Bamit do të jetë një telenovelë e gjatë për drejtësinë shqiptare. Të tre këta persona akuzohen për kallzim të rremë pasi për prokurorinë e përgjithshme kanë sajuar historinë e vrasjes së Doshit dhe Mhill Fufit, me porosi te kryetart të kuvendit Ilir Meta.
Kolegji penal i gjykatës së lartë ka dërguar për interpretim në gjykatën kushtetuese nenin për ndarjen e procedimeve. Sipas togave të zeza Durim Bami dhe Mark Frroku nuk mund të gjykohen nga kjo gjykatë pasi nuk kanë asnjë status të veçantë dhe ata privohen nga e drejta për të apeluar vendim. Ndërkohë Tom Doshi është në juridiksionin e saj pasi është depueti i kuvendit.
Pritet që Gjykata Kushtetuese të marrë në shqyrtim kërkesën dhe deri në një vendim ,ky process do të jetë i pezulluar.
