Autoritetet kanë shpallur në kërkim dy persona të cilët akuzohen se kanë marrë pjesë në atentatin ndaj Alban Bruçit, që iu bë pritë mbrëmjen e 25 Gushtit në Shkodër.
Mësohet se personat e shpallur në kërkim janë Tornato Fusha, 20 vjeç dhe Bajram Cerkoja, 24 vjeç, të cilët janë identifikuar dy ditë pas ngjarjes.
Bruçaj po udhëtonte me makinë ku mbrëmjen e së enjtes u qëllua me pistoletë nga një motor në lëvizje në lagjen Rus. Ai i shpëtoi plumbave dhe menjëherë pas atentatit u largua dhe kallëzoi ngjarjen në polici.
