Një 43-vjeçar nga Lezha njoftoi ditën e djeshme policinë se disa persona të paidentifikuar kanë qëlluar me armë zjarri në drejtim të tij.
Sipas policisë, denoncimi është bërë dje rreth orës 14:15, nga shtetasi Aleksandër Deda, banues në Lezhë, i cili ka njoftuar se në afërsi të një lokali në dalje të qytetit të Lezhës është qëlluar me armë zjarri në drejtim të tij, por fatmirësisht nuk ka marrë asnjë dëmtim.
Shërbimet e Policisë menjëherë kanë shkuar në vendngjarje dhe gjatë këqyrjes së vendit të ngjarjes dhe krehjes së zonës nuk kanë konstatuar gëzhoja.
43-vjeçar Aleksandër Deda i ka shpëtuar një tjetër atentati me armë zjarri të ndodhur me 1 Dhetor 2020. Ai dhe u qëllua teksa lëvizte po me makinën e tij dhe mbeti i plagosur në gjoks. Edhe pse i plagosur Deda ka shkuar vetë me makinën e tij në spitalin e Lezhës, ku ka marrë ndihmën e parë mjekësore./Opinion.al
