Rashid Dostum zv/Presidenti i Parë i Afganistanit, thuhet se është bërë objektiv I një atentati të fuqishëm me eksploziv, ndërsa po merrte avionin e linjës Ankara-Kabul.
Shpërthimi ndodhi në afërsi të aeroportit të Kabulit, ku deri më tani thuhet se kanë humbur jetën 11 persona, ndërsa kanë mbetur të plagosur 48 persona.
Edhe pse thuhet se numri I të plagosurve mund të jetë shumë më I lartë.
Midis viktimave sipas njërit prej këshilltarëve të Dostum që foli për Agjencinë e Lajmeve “Anadolu Agency” janë edhe turprojat e zëvendëspresidentit afgan, Dostum.
Dostum qëndroi rreth një vit në Turqi, para se të kthehej në atdhe këtë të diel, ndërsa në aeroport kishin dalë disa zyrtarë lokalë dhe përkrahësit e tij për ta mirëpritur. Shpërthimi ndodhi menjëherë pas nisjes së autokolonës në të cilën ndodhej Dostum.
Pas incidentit, Dostum tha për gazetarët se në shpërthimin që ndodhi si rezultat i një sulmi vetëvrasës, sipas vlerësimeve të para nëntë persona nga punonjësit e sigurisë të cilët e mbronin atë kanë humbur jetën, ndërsa ka edhe të plagosur.
Deri më tani askush nuk e ka marrë përgjegjësinë për shpërthimin, por si talebanët ashtu edhe grupi i Shtetit Islamik janë aktivë në kryeqytetin afgan.
Zëvendës presidenti dhe gjenerali Abdul Rashid Dostum dyshohet se ishte objektivi i sulmit, thuhet në raportimet e disa mediave ndërkombëtare.
