Atalanta mori sot përballë Juventusit një pikë që mund ti garantojë asaj kualifikimin për në Champions League. Sfida që u luajt në Juventus Stadium mbaroi me rezultatin 1-1. Bergamaskët shënuan të parët me Ilicit por nuk mundën ta ruanin rezultatin pasi 10 minuta nga fundi Juventus barazoi me Mandzukic.
Ndërkohë sfida tjetër mes Interit dhe Napolit përfundoi me fitoren e këtyre të fundit me rezultatin e thellë 4-1. Napoletanët shënuan me Zielinskin, Mertens dhe Ruiz (dopietë), ndërsa Icardi realizoi golin e vetëm për miqtë me penallti.
Java e fundit e Serie A premton të jetë tepër emocionuese, me tre skuadrat që do të luftojnë për dy vende në Champions League.
Atalanta dhe Milan, të dyja me nga 65 pikë, kanë në letër sfidat më të lehta, pasi luajnë respektivisht kundër Sassuolo-s dhe Spal-it, ndërsa Inter (66 pikë) pret Empoli-n në “San Siro”, kundërshtar që luan për mbijetesë./Opinion.al
