Udhëheqësi kinez Xi Jinping dhe presidenti rus Vladimir Putin kanë bërë një takim në Moskë këtë javë, ku kanë disktuar disa nga çështjet kryesore që prekin të dyja shtetet.
Vizita tre-ditore e Xi në kryeqytetin rus, e cila përfundoi të mërkurën kulmoi me më shumë se një marrëveshje që forcon bashkëpunimin në fusha të ndryshme, në tregti, teknologji, si dhe në krijimin e propagandave shtetërore, sipas Kremlinit.
Deklarata qendrore e liderëve u fokusua në mënyrën se si të dy vendet do të “thellonin” marrëdhëniet e tyre.
Ja çfarë duhet të dini për takimet e Xi dhe Putin.
1- Nuk ka rrugë kuptimplote përpara për Ukrainën
Takimet nuk dhanë asnjë përparim në zgjidhjen e konfliktit në Ukrainë.
Të dy liderët kërkuan ndërprerjen e veprimeve që “rrisin tensionet” dhe “zgjatin” luftën në Ukrainë, sipas deklaratës së tyre të përbashkët të lëshuar nga Ministria e Jashtme e Kinës.Në javët e fundit, Kina ishte dukur se ishte pozicionuar si ndërmjetëse e paqes, duke lëshuar pozicionin e saj për një “zgjidhje politike” të konfliktit duke kërkuar një armëpushim dhe bisedime paqeje.
2- Rendi i ri botëror dhe rreshtimi kundër SHBA
Ndërsa Xi u largua nga Kremlini pas një darke shtetërore të martën në mbrëmje me Putinin, mesazhi i tij i ndarjes përsëriti pikëpamjen e tij se dinamikat e fuqisë globale po ndryshojnë.
“Së bashku duhet të shtyjmë përpara këto ndryshime që nuk kanë ndodhur pë 100 vjet:, tha ai.
3-“Besimi i ndërsjellë ushtarak” dhe lidhjet e mbrojtjes
Xi dhe Putin shprehën të dy “shqetësime serioze” në deklaratën e tyre të përbashkët për “forcimin e vazhdueshëm të lidhjeve të sigurisë ushtarake të NATO-s me vendet e Azisë-Paqësorit” dhe thanë se “kundërshtojnë forcat e jashtme ushtarake që minojnë paqen dhe stabilitetin rajonal”.
Rusia dhe Kina u zotuan të “thellojnë më tej besimin e ndërsjellë ushtarak”, duke përmendur forcimin e shkëmbimeve dhe bashkëpunimit të tyre ushtarak dhe organizimin e rregullt të patrullimeve të përbashkëta detare dhe ajrore.
4-Rritje ekonomike dhe energjitike
Putin tha të martën se Moska ishte e gatshme të mbështeste biznesin kinez “duke zëvendësuar ndërmarrjet perëndimore” që u larguan nga Rusia që nga fillimi i pushtimit të tij në Ukrainë.
Të dy liderët thanë se “do të ndërtojnë një partneritet më të ngushtë energjetik, duke mbështetur kompanitë nga të dy vendet në avancimin e projekteve të bashkëpunimit në naftë, gaz, qymyr, energji elektrike dhe energjinë bërthamore”.
Deklarata e përbashkët përmendte punën së bashku për të promovuar “kërkime dhe konsultime” në lidhje me një “projekt të ri të tubacionit të gazit natyror Kinë-Mongoli-Rusi”.
5- Botë e ndarë
Ekspertët thonë se takimi i Xi në Moskë – ndërkohë që mbështet një rreshtim me Rusinë që Kina e sheh si kritike për dobësimin e ndikimit global të SHBA-së – mund të ketë një kosto për marrëdhëniet e tjera të Kinës./Opinion.al
.
